Хэнтий аймгийн хэмжээнд, 2011 оны төслийн санал санаачилга гаргах багуудийн иргэдийн нийтийн хурал (БИНХ)-д нийт 5513 өрхийн төлөөлөл оролцож Олон нийтийн санаачилга бүрэлдэхүүн хэсгийн хүрээнд 301, Бэлчээрийн мал аж ахуйн эрсдлийн удирдлага бүрэлдэхүүн хэсгийн хүрээнд 273 төслийн санаачилгыг гаргаж сумдын Засаг даргын зөвлөлийн өргөтгөсөн хуралдаанаар хэлэлцүүлэхээр хүргүүлсэн байна.

Сумдын Засаг даргын зөвлөлийн өргөтгөсөн зөвлөлийн хуралдаанаар төслүүдийг хэлэлцэж  нэн тэргүүнд хэрэгжүүлэх шаардлагатай төслүүдийг амжиллтай хэрэгжүүлж байна.

 Боловсрол салбарт: 2011 онд  
31.1 сая төгрөгийн санхүүжилтээр сумын 3-н цэцэрлэгт тоглоом, 3-н сургуульд сургалтын болон гал тогооны тоног төхөөрөмж нийлүүлэх 6 төсөл хэрэгжүүлсний үр дүнд     сурагчид сурч боловсрох таатай орчин нөхцөлөөр хангагдлаа.

                                                   Мөрөн сумын сургуулийн гал тогоонд нийлүүлсэн тоног төхөөрөмж

Мөрөн сумын дунд сургуулийн есдүгээр ангийн сурагч Э.Доржханд: “Би сумынхаа сургуулийн дотуур байранд гурав дахь жилдээ амьдарч байна. Өмнө нь бид ердийн галлагаатай гал тогоондоо хоолоо хийж хоёр ээлжээр хооллодог байсан. Шинэ хичээлийн жил эхэлж бид байрандаа ортол дотуур байрны гал тогоо зориулалтын, гоё тоног төхөөрөмжөөр өөрчлөгдсөн байсан. Хоолны нэр төрөл ч олширсон. Бид бүхний төлөө санаа тавьж ийм сайхан нөхцөлийг бүрдүүлж өгсөн “Тогтвортой амьжиргаа-2” төслийн ах эгч нартаа баярлаж байгаагаа нийт хүүхдүүдийнхээ өмнөөс илэрхийлж ажлын өндөр амжилт хүсье!” гэж ярилаа.

                    Батноров, Мөрөн сумын цэцэрлэгийн хүүхдүүд тоглож наадах тоглоомтой боллоо.

Эрүүл мэндийн салбарт: 31.2 сая төгрөгийн санхүүжилтээр эмнэлгийн тоног төхөөрөмж нийлүүлэх, эмийн эргэлтийн сангийн байр засварлах, багийн эмчийг унаажуулах зэрэг 11 төслийг хэрэгжүүлж байна. Жишээлбэл, Жаргалтхаан сумын хүн эмнэлэг яаралтай тусламжийн тоног төхөөрөмжтэй боллоо.

 Биндэр сумын хүн эмнэлгийн лаборант Э. Номин-Эрдэнэ, “Манай сум дундын хүн эмнэлэг нь 2011 оны долоодугаар сарын 22-ны өдөр “Тогтвортой амьжиргаа-2” төслийн хөрөнгө оруулалтаар биохими анализатор аппараттай болж үүнд 290 гаруй иргэд  300 мянган төгрөгийн хандив өргөж  үлдэгдэл 5.6 сая төгрөгийг төслөөс шийдэж аппараттай болсон .Манай эмнэлэг аппараттай болсноор оношилгоог газар дээр нь хийж өнөөдрийн байдлаар 43 иргэдийг шинжилгээнд  хамруулаад байна. Оношилгооны аппаратгүй  үед жилдээ 450-600 ийлдэсийг аймгийн төв рүү илгээдэг байсан. Энэ нь зөвхөн  яаралтай шинжилгээ хийлгэх шаардлагатай хүмүүсийн  тоо юм. Зөвхөн долоо хоногийн хоёрдахь өдөр шуудан явдагтай холбоотойгоор, эмчилгээ оношлогоо оройтох зэрэг хүндрэл гардаг байсан бол одоо сумандаа урьдчилан сэргийлэх оношлогоо хийх боломжтой болсонд манай эмнэлгийн хамт  олон, сумын иргэд, олон нийт маш их баяртай байна” гэлээ.

  Тус сумын дөрөвдүгээр багийн иргэн Г.Мөнхчимэг наадмын дараахан буюу долоодугаар сарын 25-нд эмнэлэгт бие нь өвдөж иржээ. Их эмч биохимийн шинжилгээ өгөх шаардлагатай гэж үзээд нэг цагийн дотор шинжилгээ хийж хүнд хэлбэрийн шар өвчин гэж оношлогдож эмчилгээ заалган эмчлүүлсэн нь оношлогооны аппараттай болсны үр дүн юм. Ийнхүү илэрдэггүй өвчнийг түргэн шуурхай оношилж цагийн дотор хариуг гаргаж эмчилж байгаад нь Г.Мөнхчимэг шиг олон иргэд гүнээ талархаж байна.

   Соёлын салбар:  Батширээт сумын соёлын төвийн ардын авьяастнууд урлагийн шинэ хувцастай болж, Баянхутаг ,Батноров сумын иргэд 150-250 хүний театрын сандалтай болсон нь олны талархлыг хүлээжээ.

 Дэд бүтэцийн салбар: Орон нутгийн чанартай гүүр засварлах, ундны усны худаг шинээр гаргах, ус цэвэршүүлэх тоног төхөөрөмж худагт тавих, хогны болон зүлэг усалгааны автомашин авах зэрэг 11 төслийг 95 шахам сая төгрөгийн санхүүжилтээр хэрэгжүүлэн  орон нутгийн хөгжилд хувь нэмэр оруулж байна.

  Батширээт сумын Барх багийн малчин В.Хүдэрчулуун:
Бархын голын гүүрээр өдөр бүр гарах шаардлага байдаг. Хэрчлээний жижиг гүүрүүдийн хоёр нь нурсан, бусад найман гүүр цөмөрч хашлага нь эвдэрсэн. “ТА-II” төслийн саналыг хэлэлцэх багийн хурлаар гүүр засах санал дэмжигдэн, 2011 онд энэ жижиг гүүрүүдийн засварын ажлыг сумын Залуучуудын холбооны хэсэг залуучууд засварласан. Өмнө нь энэ гүүрээр явахад их хэцүү, шөнө орой цоорхой нүх рүү нь орчих гээд эсвэл эвдэрхий гүүрийн хажүүгаар явахад шаварт уначих гээд их хэцүү байдаг байсан. Харин одоо өдөр шөнийн алинд нь ч айх юмгүй явдаг боллоо. Ер нь ганц би ч биш, гүүрээр гарсан хүн болгон гүүрийг чанартай сайн зассанд баярлаж ам сайтай байдаг. Ялангуяа байнга сумын төв орж байдаг малчид бидэнд их үр өгөөжтэй ажил болсон гэж бодож байна. Гүүр засагдсанаар бензин тосонд ч хэмнэлттэй болсон. Энэ гүүрийг засуулах санал гаргасан Барх багийн иргэн З.Шаравжамц, Ж.Батсайхан нар болоод төслийг дэмжсэн багийн иргэд, сумын Засаг даргын дэргэдэх зөвлөлийн гишүүд, төслийн хамт олонд баярласан талархсанаа илэрхийлж цаашдын ажил үйлсэд нь өндөр амжилт хүсье” гэв.

      Батширээт сумын Бархын голын хэрчлээний 10  жижиг гүүрүүдийг засварлав.

 Бэлчээрийн мал аж ахуйн эрсдлийн удирдлага (БМААЭУ)

Бүрэлдэхүүн хэсгийн хүрээнд нийт 203 гаруй сая төгрөгийн санхүүжилтээр 78 төсөл хэрэгжүүлжээ.
Сумын түвшинд бэлчээрийн менежментийн төлөвлөгөөг бэлтгэх,төлөвлөгөөнд тусгагдсан ажлуудыг санхүүжүүлэх, хэрэгжүүлэх, малчин өрхийн чадавхийг бэхжүүлэхэд дэмжлэг үзүүлэхэд чиглэгдсэн төслүүдийг төрлөөр нь ангилан авч үзвэл, булаг шанд хашиж хамгаалах 26 ,  энгийн уурхайн худаг гаргах 11 , мал эрүүлжүүлэх чиглэлийн тав, бэлчээр хашиж хамгаалан олон наст ургамал тариалах найм, хадлангийн талбай хаших тоног төхөөрөмж авах 20, малын үүлдэр угсаа сайжруулах найман төсөл хэрэгжүүлж байна.

Орон нутгийн иргэд булаг шандыг хашиж хамгаалж сурчээ.

Хадлангийн тоног төхөөрөмжтэй болсноор есөн сумын 72 малчин өрх өвс хадлан, тэжээлээ өөрсдийн хүчээр бэлтгэх боломжоор хангагдлаа.

 Малын үүлдэр угсаа сайжруулах чиглэлээр Дадал, Биндэр, Жаргалтхаан, Цэнхэрмандал, Норовлин, Баян-Адарга, Баянмөнх сумд төсөл хэрэгжүүлж байна.