Говьсүмбэр аймгийн Тогтвортой амьжиргаа-II төслийн нэгж нь 2009-2011 онд  Олон нийтийн санаачилгийн сан бүрэлдэхүүн хэсгийн хүрээнд  238,5 сая төгрөгийн 38 төслийг хэрэгжүүлж дуусаад байна.

                 Говьсүмбэр аймагт 2009-2011 онд хэрэгжсэн ОНСС-ийн төслүүд

Бэлчээрийн мал аж ахуйн эрсдлийн удирдлага/БМААЭУ/

БМААЭУ-ын бүрэлдэхүүн хэсгийн хүрээнд  нийт 445,4 сая төгрөгийн 85 төсөл хэрэгжихээс 272, 4 сая төгрөгийн төсөл хэрэгжиж дуусаад байна. Үлдсэн төслүүд хэрэгжих шатандаа явж байна.
Өнөөдрийн байдлаар аймгийн хэмжээнд нийт  Иргэд, ААНБ-аас - 34,360,251 төгрөгийн хандив,  Орон нутгийн төсвөөс - 17,515,237 төгрөгийг тус тус төслийн санхүүжилтанд хандивлаад ороод байна.

2011 онд хэрэгжсэн зарим төслүүдээс танилцуулбал:

 Говьсүмбэр аймгийн Сүмбэр сумын Дэл, Булангийн дэрс, Хадлан зэрэг 3 малчны бүлэгт хадлангийн тоног төхөөрөмж, үүргэвчин хадуур, тэжээл үйлдвэрлэлийн тоног төхөөрөмж зэргийг төслийн хүрээнд нийлүүлжээ.
Төслийн өртөг – 17,7 сая төгрөг

Говьсүмбэр аймгийн Сүмбэр сумын 1-р  сургуулийн гадна биеийн тамирын талбай төсөл:
Төслийн өртөг: 9,100,000 төгрөг

 Сүмбэр сумын Хилийн шонгийн зааг төсөл: Сүмбэр сумын бэлчээр ашиглалтын хилийн заагийг тодорхойлох, бэлчээрийн менежментийн төлөвлөгөөг хэрэгжүүлэх, бэлчээрийг хувиартай ашиглахад  малчдыг сургах, Бэлчээрийн хортон мэрэгчдээс бэлчээр хамгаалах, шуурганд уруудсан хүн мал төөрөх үед,  газрын баримжаа олгох зорилгоор сумын болон бэлчээр ашиглалтын хилээр координатын тодорхой цэгүүдэд шон босгох.
Төслийн нийт өртөг 3,036,000

Төслөөс ашигт хүртэгчид: Сүмбэр сумын нийт малчин өрх

Шивээговь сумын залуучуудын нэрэмжит талбай төсөл: Сумын иргэд чөлөөт цагаа зөв боловсон өнгөрүүлэх газар байхгүй байсан ба сумын иргэд залуучуудын талбайтай болох санаачилга гарган төслийг хэрэгжүүлжээ.
Төслийн нийт өртөг – 8,713,828

 Төсөл хэрэгжүүлэхийн өмнө

 Төсөл хэрэгжүүлсэний дараа

Говьсүмбэр аймгийн Газрын харилцаа, барилга, хот байгуулалтын газрын Газрын харилцааны асуудал хариуцсан ахлах мэргэжилтэн Д.Тамир:

Тогтвортой амьжиргаа-II төслийн хүрээнд манай байгууллагад А0 хэмжээтэй хэвлэгч 1ширхэгийг, байрлал тогтоох багаж GPS 3-ыг сумдад ирүүлсэн бөгөөд эдгээр зүйлсыг бид өдөр тутмынхаа ажилд хэрэглэж байна.
Байрлал тогтоогч GPS нь сумдын даамлууд ашиглаж байгаа бөгөөд шинээр өвөлжөө, хаваржааны зориулалтаар газар олголт хийхэд байрлал тогтоох, хилийн цэсийн маргааныг шийдвэрлэхэд, шинээр уст цэг болон бэлчээрийн газарт үүсэж буй аливаа асуудлыг шийдвэрлэхэд сумдын даамлуудын гол ажлын хэрэглэл болж байна.
Хэвлэгч машиныг Газрын харилцаа, барилга, хот байгуулалтын газарт ашиглаж байгаа бөгөөд шинээр хийх газар олголтын төлөвлөлт, сумдын газар зохион байгуулалтын төлөвлөгөө, сургалт сурталчилгааны материал зэргийн зургуудыг хэвлэж байгаа бөгөөд энэхүү хэвлэгч нь аймгийн хэмжээнд ганцхан байгаа тул ашиглалт өндөр байна.