2011 онд Дархан-Уул аймгийн иргэд Тогтвортой амьжиргаа-II төслийн санхүүжилтээр орон нутагтаа бүтээн байгуулах ажлын саналыг Багийн хурлаараа хэлэлцэн эрэмбэлэх хуралд 24 багийн 2591 иргэн оролцож Олон нийтийн санаачилга бүрэлдэхүүн хэсгийн хүрээнд 62 санал гарч ач холбогдол, үр өгөөж, ашиг хүртэгчээрээ эрэмбэлэгдсэн эхний 11 төслийг 128.9 сая төгрөгийн санхүүжилтээр хэрэгжүүлээд байна.

Олон нийтийн санаачлага  бүрэлдэхүүн хэсэг

Боловсролын чиглэл : Дархан-Уул аймагт энэ чиглэлээр 110.4 сая төгрөгийн хөрөнгө оруулалт хийгдсэнээс:
Дархан суманд
   •    17.1 сая төгрөгийн санхүүжилтээр 1-р сургуулийн биеийн тамирын заал засварлах төсөл
   •    14.3 сая төгрөгөөр 15-р цэцэрлэгийн биеийн тамирын кабинет засварлах
   •    18.7 сая төгрөгөөр Азийн хүүхдүүд халамжийн төвийн оёдлын цехийн барилгын өргөтгөл хийх
   •    7.7 сая төгрөгөөр 23-р цэцэрлэгт багш хүүхдийн сандал ширээ
   •    1.2 сая төгрөгөөр Азийн хүүхдүүд халамжийн төвд оёдлын машин нийлүүлэх зэрэг 5 төсөл
Хонгор суманд:
   •    6.8 сая төгрөгөөр 16-р цэцэрлэг засварлах
   •    5.9 сая төгрөгөөр Чандага цэцэрлэгүүдэд гал тогооны тоног төхөөрөмж
   •    14.4 сая төгрөгөөр 11-р сургуулийн дотуур байранд иж бүрэн тавилга нийлүүлэх зэрэг 3 төсөл
Шарын гол суманд:
   •    24.3 сая төгрөгөөр 2-р сургуулийн урлагийн заалыг засварлах зэрэг нийт 9 төсөл амжилттай хэрэгжүүлээд байна.

Дээрх төслүүд хэрэгжсэнээр нийт 4890 хүн ашиг хүртэж байна.

       /Хонгор сумын Чандага цэцэрлэгт нийлүүлсэн гал тогооны тоног төхөөрөмж/

          /3-р багийн Тосгоны гүүр хэрэгжихийн өмнө/            /3-р багийн Тосгоны гүүр хэрэгжсэний дараа/

 Бэлчээрийн мал аж ахуйн эрсдлийн удирдлага бүрэлдэхүүн хэсэг

Дархан сумын 1, 4, 6, 15–р багууд, Хонгор суманд малын тэжээл бэлтгэх цехийн тоног төхөөрөмж нийлүүлэх 40.5 сая төгрөгийн 14 төсөл, Хонгор суманд бага оврын хадлангийн трактор худалдаж авах 79.6 сая төгрөгийн 12 төсөл, Орхон суманд зохиомол хээлтүүлгийн байр барих, тоног төхөөрөмж худалдаж авах, хадлангийн талбай хаших зэрэг 8.7 сая төгрөгийн төслүүдийг хэрэгжүүллээ.

Тогтвортой амьжиргаа-II төслийн үйл ажиллагаа нь иргэдийн санал санаачлага дээр тулгуурлан, иргэд өөрсдөө сайн дураар төслийн хэрэгжилтэнд хяналт тавьж, үнэлгээ өгдөг нь төсөл боловсруулах, батлах, хэрэгжүүлэх явцад иргэдийн оролцоог нэмэгдүүлж тэдний чадавхийг ямагт бэхжүүлж байдаг.

Дархан сумын 23-р цэцэрлэгийн эрхлэгч О.Дэлгэрсайхан : Манай цэцэрлэгт 7, 8-р багийн 250 хүүхэд сурч хүмүүждэг ба сандал ширээний ашиглалтын хугацаа дууссанаас шалтгаалж сандал ширээний хүрэлцээ муу байсан. Иргэд Багийн хурлаасаа уг  цэцэрлэгийн сандал ширээг шинэчлэх санал гаргаж сум, аймгийн ЗДЗ-д уламжлагдсанаар төсөл батлагдан амжилттай хэрэгжсэнээр багш ажилчид, эцэг эхчүүд бид энэ хичээлийн жилийг шинэ сандал ширээтэй сэтгэл хангалуун угтлаа