Олон нийтийн санаачилга бүрэлдэхүүн хэсэг

| English

Төслийн тухай

Олон нийтийн санаачлага

Олон нийтийн санаачилга бүрэлдэхүүн хэсгийн зорилго, үйл ажиллагааны гол чиглэлүүд

Энэ бүрэлдэхүүн хэсгийг хэрэгжүүлэхэд 23.2 сая ам доллар буюу төслийн нийт хөрөнгийн 48 хувийг зарцуулна.

Зорилго: Олон нийтийн оролцоонд тулгуурласан хөрөнгө оруулалтын үр ашигтай, оролцоог хангасан, ил тод аргачлалыг бий болгож хөдөө орон нутагт орон даяар нэвтрүүлснээр иргэдийн нэн тэргүүний хэрэгцээнд тулгуурлан нийтийн эзэмшлийн байгууламжуудыг сайжруулах төслөө олон нийт өөрсдөө ач холбогдлоор нь сонгох, эрэмбэлэх, хандив хөрөнгө бүрдүүлж хамтран санхүүжүүлэн хэрэгжүүлдэг механизмыг бүрдүүлэх ба олон нийт чадавхижиж, хүчирхэгжсэнээр тогтвортой амьжиргааг хангах нөхцөл бүрдэх юм.

ОНСС-ийн хөрөнгө дараах эх үүсвэрүүдээс бүрдэнэ. Үүнд:

Улс, орон нутгийн төсвөөс хуваарилсан хөрөнгө;
Хувийн хэвшил, аж ахуйн нэгж, байгууллага, иргэдийн хандив, тусламж;
Олон улсын байгууллага, хандивлагчдаас үзүүлсэн буцалтгүй тусламж,
Засгийн газрын зээлийн хөрөнгө;
Гадаадын иргэд ба буяны байгууллагуудын тусламж, хандив;
Бусад хөрөнгө

Дэд бүрэлдэхүүн хэсгүүд:

1. Олон нийтийн санаачилгын сан

Зорилго. Олон нийтийн хөрөнгө оруулалтын төслийг сонгон боловсруулж, хэрэгжүүлэхэд зориулсан санг бүрдүүлэх

ОНСС-аас санхүүжүүлэх төсөл нь олон нийтэд нэн тэргүүний ач холбогдолтой, тэдэнд шууд хүртээмжтэй байх бөгөөд төслийг тодорхойлох ба шалгаруулахад нэн тэргүүний эрэлт хэрэгцээг харгалзан үзэхийг гол нөхцөл болгоно.
Төслийн чиглэл нээлттэй байх боловч дараахи чиглэлийн төслүүдийг хэрэгжүүлэхийг хориглоно. Үүнд:

Хувийн өмчийн эзэмшлийн байгууламжуудыг засан сайжруулах ба шинээр байгуулах төсөл;
Нийгэм болон байгаль орчинд сөрөг нөлөө үзүүлэхүйц төсөл;
Шашны зан үйлийг сэргээх, сурталчлахад чиглэсэн төсөл;
Галт зэвсэг болон сум худалдан авах;
Сум/дүүрэг, баг/хорооны Засаг даргын тамгын газрыг тохижуулах, засварлах;
Урсгал засвар болон үйл ажиллагааны зардлын хэлбэртэй нийтэд хүртэх үр ашиг нь түр зуурын шинжтэй засвар болон тохижилт хийх;
Хөдөлмөр зарцуулалт ихтэй боловч нийтэд хүртэх үр ашиг нь түр зуурын шинжтэй ажлууд (ой болон хог цэвэрлэх зэрэг);
Бусад ямар нэгэн төсөл буюу санхүүгийн эх үүсвэрээр санхүүжүүлэх боломжтой төслүүд.

Олон нийтийн оролцоог бий болгох, төслийн хэрэгжилтэд олон нийт хяналт тавих зорилгоор төслийн нийт зардлын 10-аас доошгүй хувийг орон нутгаас урьдчилан гаргах ба үүний 5-аас доошгүй хувийг иргэд, олон нийтээс оруулна.

2. Олон нийтийн чадавхийг бэхжүүлэх

Зорилго. ОНСС-ийн хүрээнд олон нийтийн чадавхийг бэхжүүлэх санг бүрдүүлэх

Төслийг хэрэгжүүлэх заавар, журам, төслийн талаархи мэдээллийг иргэд, олон нийтэд нээлттэй ил тод байлгах, иргэдийн оролцоог нэмэгдүүлэх зорилгоор мэдээлэл сурталчилгааг хийнэ.
Төслийн хэрэгжилт, төсөлд бараа, ажил худалдан авах, хяналт, үнэлгээ хийх талаар иргэд, олон нийт болон орон нутгийн төслийн удирдах нэгжийн ажилтнуудад сургалт зохион байгуулах, амжилттай хэрэгжиж байгаа төслийн талаархи туршлага судлах ажлыг зохион байгуулна.
Иргэдийг идэвхжүүлэх зорилгоор тусгайлан сургасан идэвхжүүлэгчдийг гэрээлэн ажиллуулах бус харин орон нутгийн захиргаа, иргэний нийгмийн байгууллагууд, олон нийтийн төлөөлөгчдөөс орон тооны бус идэвхжүүлэгчдийг сонгон бэлтгэж иргэд, олон нийтийг идэвхижүүлэхэд туслуулан ажиллуулна.

3. Нийгмийн үйлчилгээг сайжруулах шинэ санааг дэмжих

Зорилго. Эрдэм шинжилгээний болон төрийн бус байгууллагуудаас нийгмийн үйлчилгээг эмзэг бүлгийнхэнд хүргэх боломжийг сайжруулахад чиглэсэн судалгаа, шинжилгээ явуулахыг дэмжих санг бүрдүүлэх

Нийгмийн үйлчилгээг сайжруулах шинэлэг санааг дэмжих санг байгуулж төслийн санааг өрсөлдүүлэх хэлбэрээр сонгон шалгаруулж хэрэгжүүлнэ. Энэ дэд бүрэлдэхүүн хэсгийн ОНСС-аас ялгаатай нь хувь хүн, төрийн бус байгууллагууд оролцох боломж нээлттэй

Үндсэн цэс

Нэвтрэх

Best Practices

Сургалтууд

Та санаачил, бид дэмжье

Монголын Хөгжлийн Зах

Сайтаар зочилсон

Өнөөдөр:	276
Өчигдөр:	282
Энэ сард:	2289
Өмнөх сард:	6836
Нийт:	138846