Дундговь аймагт Тогтвортой амьжиргаа-II төслийн 2011 оны санал санаачлагыг БИНХ-аар хэлэлцэхэд 15 сумын 66 багийн 4235 өрхийн төлөөлөл оролцож 400 төслийн санал гарсан байна. Тогтвортой амьжиргаа-II төслийг хэлэлцэх БИНХ-д иргэдийн оролцоо жил ирэх тусам нэмэгдэж байна.

  Боловсрол соёлын салбарт: 2011 онд 101.2 сая төгрөгийн санхүүжилтээр сургуулийн дотуур байрыг халуун устай болгох, сургууль цэцэрлэгийн эрүүл ахуйн орчинг сайжруулах зорилгоор цэвэр бохир усанд холбох, гал тогоонд орчин үеийн тоног төхөөрөмж нийлүүлэх зэрэг 15 төслийг хэрэгжүүлээд явж байна.

       Төсөл хэрэгжихийн өмнөх үеийн байдал                            Төсөл хэрэгжсэний дараа     

   
        Дэрэн сумын Соёлын төвийн халаалтын “Халуун орчин” төсөл /Өртөг-10.277.705 /

Эрүүл мэндийн салбарт: 2011 он 12.6 сая төгрөгийн санхүүжилтээр эмнэлэгийн тоног төхөөрөмж нийлүүлэх, багийн эмчийг унаажуулах, гал тогоог орчин үеийн тоног төхөөрөмжөөр хангах 3 төсөл хэрэгжээд явж байна. Дэд бүтэц болон бусад салбарт  63.8 сая төгрөгийн 10 төсөл хэрэгжээд явж байна.
            Төсөл хэрэгжихийн өмнө                           Төсөл хэрэгжсэний дараа
            

Дундговь аймгийн Өлзийт сумын Хүн эмнэлэгт  Тогтвортой амьжиргаа-II төслийн Олон нийтийн санаачилга бүрэлдэхүүн хэсгийн хүрээнд 2,496,000 төгрөгийн санхүүжилтээр 16 нэр төрлийн гал тогооны тоног төхөөрөмж нийлүүлэгдсэн. Төсөл хэрэгжихийн өмнө Хүн эмнэлгийн гал тогоо  шавар пийшин дээр өвчтний хоол  хийдэг, эрүүл ахуйн шаардлага хангахгүйн улмаас тоног   төхөөрөмжийг шинэчлэх төслийг иргэд санаачилсан.  
Төсөл хэрэгжсэнээр өвчтөнүүддээ тухайн өвчний байдалд нь тохируулан  7 төрлийн хоол хийж,  өвчтөнүүд тусгай хоолны зааланд хооллодог болсон.  Хэвтэн эмчлүүлэгчдээс эмнэлэгийн үйлчилгээний талаар авсан санал асуулга бүрт хоолны чанар, хүртээмж ямагт тэргүүлж байна.  Тоног төхөөрөмжийн цаашдын хэвийн ажиллагааг хангахын тулд эвдрэл, гэмтэл гарсан даруй өөрийн туслах аж ахуйн орлогоос засварлахаар Тогтвортой амьжиргаа-II төслийн зөвлөлтэй гэрээ хийгдсэн.

Бэлчээрийн мал аж ахуйн эрсдлийн удирдлага бүрэлдэхүүн хэсэг
Бэлчээрийн мал аж ахуйн эрсдлийн удирдлага бүрэлдэхүүн хэсгийн хүрээнд нийт 247.9 сая төгрөгийн санхүүжилтээр 69 төсөл хэрэгжүүлж байна. Сумын түвшинд бэлчээрийн менежментийн төлөвлөгөөг бэлтгэх,төлөвлөгөөнд тусгагдсан ажлуудыг санхүүжүүлэх, хэрэгжүүлэх, малчин өрхийн чадавхийг бэхжүүлэхэд дэмжлэг үзүүлэхэд чиглэгдсэн төслүүдийг төрлөөр нь ангилан авч үзвэл усан хангамжийн 14, Ургамал хадлангийн 47, Малын эрүүл мэндийн чиглэлийн 3 , Өвс тэжээлийн агуулах барих 5 төсөл хэрэгжүүлж байна.

               Төсөл хэрэгжихийн өмнө                                                   Төсөл хэрэгжсэний дараа 
         
                                               
Сайхан овоо сум. Бэлчээрийг хашин хамгаалснаар бэлчээр нөхөн сэргээгдэж, нөөц бэлчээр бий болж байна.

       Төсөл хэрэгжихээс өмнө                                                          Төсөл хэрэгжсэний дараа
 

Гурвансайхан сум. Энгийн уурхайн худгийг сэргээн засварласнаар бэлчээрийн талхлалт багасч байна.

Зүлэгтий төслийн  ашиг хүртэгч Г.Ганбаяр: 4-н багийн  малчид 50-аад өрхийн мал усалгаанд зориулсан гар худаг нь бидний амьдралд ашиг тусаа өгч байна. Уг худгуудыг олон нийтийн оролцоогоор гар аргаар ухаж гаргасан ба малчин айл өрх бид худгаас малаа усалж, ундны усанд хэрэглэж байна.Төсөл хэрэгжихээс өмнө иргэд ундны усаа холоос зөөж хэрэглэдэг байсан. Мөн мал сүргээ хол тууж усалдаг бэрхшээлтэй байсан.
        Өндөршил сум. Энгийн уурхайн худаг сэргээн засварлаж байгаа нь

Төсөл хэрэгжсэний дараа

Сумын төвийн ундны усны уг худаг нь дарагдаад удсан бөгөөд сумын иргэд хужир шүү ихтэй усыг ундандаа хэрэглэсээр ирсэн. Худгийг засварласнаар худаг нурах, дарагдах,хог шороо орж бохирдохоос хамгаалагдлаа. Нутгийн иргэд амны усаа сэргээн  засварласандаа сэтгэл өндөр байна.

Луус сумын Хянагч М.Батбаяр: 2003 оноос хойш хэрэгжиж эхэлсэн Тогтвортой Амьжиргаа-II төсөл Луус сумын ард иргэд, ирээдүй болсон хүүхэд багачуудыг тогтвортой амьдрах боломж нөхцлөөр хангах, тулгамдаж буй асуудлаа шийдэхэд чухал ач холбогдол өгч байна. Би Тогтвортой амьжиргаа-II төслийн хянагчаар 2008 оноос хойш тасралтгүй ажиллаж байна. Энэ хугацаанд багийн иргэдийн нийтийн хурлын ирц, санал хэлэлцүүлэх явц, Тогтвортой Амьжиргаа төслийн зөвлөл,Засаг даргын зөвлөлийн хурал, төсөл эрэмбэлэлтийн явц, тендер шалгаруулалт, хурлын шийдвэр, олон нийтийн хандив, иргэдэд мэдээлэл хүрсэн эсэх зэрэг төслийн бүхий л үе шатанд хяналт тавьж ажиллаж байна. Төсөл хэрэгжих явцад явцын үнэлгээг 2-3 удаа хийж хэвшсэн. Хөдөөгүүр улиралдаа 2 удаа явдаг. Хянагч үнэлээч нартаа байнга сургалт явуулж төслийн мэдээллээр хангаж байна. Хянагчаар ажиллах хугацаандаа олон шинэлэг санааг дэвшүүлж  ажилласан. БИНХурлын урилга бичиж иргэдэд тараах, төслийн холбогдолтой уралдаан тэмцээн зохиох, төслийн үнэлгээ өгөхдөө хянагч, үнэлээч нар цугларч мэдээлэл бичих, мэдээллийн гинжин сүлжээ ашиглах зэргээр иргэдийн оролцоог нэмэгдүүлж байна. Ингээд Тогтвортой амьжиргаа-II төслийн хамт олондоо ажлын өндөр амжилт хүсье.